Jos 19 | NdeIBE | STEP | Inkatho yesibili yawela esizwaneni sikaSimeyoni, usendo ngosendo. Ilifa labo laliphakathi kwelizwe likaJuda.

Joshua 19

Isabelo sikaSimeyoni

1 Inkatho yesibili yawela esizwaneni sikaSimeyoni, usendo ngosendo. Ilifa labo laliphakathi kwelizwe likaJuda.

2 Laligoqela: iBherisheba (noma Sheba), iMolada, 3 iHazari Shuwali, iBhala, i-Ezemu, 4 i-Elitholadi, iBhethuli, iHorima, 5 iZikhilagi, iBhethi Marikhabhothi, iHazari Susa, 6 iBhethi Lebhawothi leSharuheni – amadolobho alitshumi lantathu lemizana yawo; 7 i-Ayini, iRimoni, i-Etheri le-Ashani – amadolobho amane lemizana yawo – 8 layo yonke imizana eyakhelene lalawo madolobho kusiyafika eBhalathi Bhiya (iRama eseNegebi) Leli kwakuyilifa lesizwane samaSimeyoni usendo ngosendo. 9 Ilifa lamaSimeyoni lathathwa kungxenye kaJuda, ngenxa yokuthi isigaba sakoJuda sasisikhulu ukwedlula lokho ababekuswela. Ngakho amaSimeyoni athola ilifa lawo phakathi kwesabelo sakoJuda.

Isabelo sikaZebhuluni

10 Inkatho yesithathu yawela uZebhuluni usendo ngosendo: Umngcele welifa labo wayafika eSaridi. 11 Waqonda entshonalanga wadabula usiya eMarala, wathinta iDabheshethi waqhela usiya edongeni eduze leJokhineyamu.

12 Wajikela empumalanga usuka eSaridi ukhangele lapho okuphuma khona ilanga usiya elizweni likaKhisilothi Thabhori waqonda eDabherathi ukhwela usiya eJafiya.

13 Waqhubeka ukhangele empumalanga usiya eGathi Heferi le-Ethi Khazini; wathutshela eRimoni wasujikela eNeya. 14 Lapho umngcele wabhoda enyakatho usiya eHanathoni wakhawula eSigodini se-Ifitha Eli.

15 Kwakukhona njalo iKhatha, iNahalali, iShimironi, i-Idala leBethelehema. Kwakulamadolobho alitshumi lambili lemizana yawo.

16 La madolobho lemizana yawo ayeyilifa likaZebhuluni, usendo ngosendo.

Isabelo sika-Isakhari

17 Inkatho yesine yawela u-Isakhari, usendo ngosendo. 18 Ilizwe labo laligoqela: iJezereli, iKhesulothi, iShunemi,

19 iHafarayimi, iShiyoni, i-Anaharathi,

20 iRabhithi, iKhishiyoni, i-Ebhezi

21 iRemethi, i-Eni Ganimu, i-Eni Hada leBhethi Phazezi.

22 Umngcele wawuthinta iThabhori, iShahazuma leBhethi Shemeshi wasukhawula eJodani. Kwakulamadolobho alitshumi lesithupha lemizana yawo.

23 Amadolobho la lemizi yawo kwakuyilifa lesizwana sika-Isakhari usendo ngosendo.

Isabelo sika-Asheri

24 Inkatho yesihlanu yawela esizwaneni sika-Asheri, usendo ngosendo. 25 Ilizwe labo laligoqela: iHelikhathi, iHali, iBhetheni, i-Akhishafi, 26 i-Alameleki, i-Amadi le-Mishali. Entshonalanga umngcele wathinta iKhameli leShihori Libhinathi. 27 Wajikela empumalanga ukhangele eBhethi Dagoni, wathinta iZebhuluni leSigodi se-Ifutha Eli, waqonda enyakatho usiya eBhethi Emekhi leNeyiyeli, usedlula eKhabhuli kwesenxele. 28 Waya e-Abhidoni, eRehobhu, eHamoni leKhana usiyafika eSidoni enkulu.

29 Umngcele waphinda wajika ukhangele eRama wasusiya edolobheni eliyinqaba eleThire, wajika ukhangele iHosa wathutshela olwandle olusesabelweni se-Akhizibhi, 30 i-Uma, i-Afeki leRehobi. Kwakulamadolobho angamatshumi amabili lambili lemizana yawo.

31 Amadolobho la lemizana yawo ayeyilifa lesizwana sika-Asheri, usendo ngosendo.

Isabelo sikaNafthali

32 Inkatho yesithupha yawela uNafthali usendo ngosendo:

33 Umgcele wasuka eHelefi kanye lesihlahla esikhulu eZahanani usedlula e-Adami Nekhebi leJabhineyeli usiya eLakhumi njalo uphelela eJodani.

34 Umngcele wadabula entshonalanga phakathi kwe-Azinothi Thabhori wayaphuma ususeHukhokhi wathinta iZebhuluni leJodani empumalanga.

35 Amadolobho ayelezinqaba yiZidimu, iZeri, iHamathi, iRakhathi, iKhinerethi,

36 i-Adama, iRama, iHazori,

37 iKhedeshi, i-Edreyi, i-Eni-Hazori,

38 i-Ironi, iMigidali Eli, iHoremu, iBhethi Anathi leBhethi Shemeshi. Kwakulamadobho alitshumi lesificamunye lemizana yawo.

39 Amadolobho la lemizana yawo kwakuyilifa lesizwana sikaNafthali usendo ngosendo.

Isabelo sikaDani

40 Inkatho yesikhombisa yehlela isizwana sikaDani, usendo ngosendo.

41 Ilizwe lelifa labo laligoqela: iZora, i-Eshthawoli, i-Iri Shemeshi, 42 iShayalabhini, i-Ayijaloni, i-Ithila,

43 i-Eloni, iThimina, i-Ekhroni,

44 i-Elitheke, iGibhethoni, iBhahalathi,

45 iJehudi, iBhene Bherakhi, iGathi Rimoni,

46 iMe Jarikhoni leRakhoni lendawo ekhangele iJopha.

47 (Kodwa amaDani akhangelana lobunzima bokuthatha umhlaba wawo, ngakho asuka ayahlasela iLeshemu ayithatha ayingenela ngenkemba ayithumba. Ahlala eLeshemu ayibiza ngokuthi yiDani, ibizo likakhokho wabo.) 48 Amadolobho la lemizana yawo ayeyilifa lesizwe sikaDani usendo ngosendo.

Isabelo sikaJoshuwa

49 Bathi sebeqede ukwehlukanisa umhlaba waba zingxenye ezabiweyo, abako-Israyeli banika uJoshuwa indodana kaNuni ilifa phakathi kwabo, 50 njengoba uJehova wayelayile. Bamnika idolobho ayelicelile – iThimnathi Sera elizweni elilamaqaqa elako-Efrayimi. Wakha idolobho wahlala khona.

51 La yiwo amazwe lawo u-Eliyazari umphristi, uJoshuwa indodana kaNuni labakhokheli bonke lezinsendo zezizwana zako-Israyeli ababehlukanisela wona ngenkatho eShilo phambi kukaJehova entubeni yethente lokuhlanganela. Ngakho-ke baqeda ukwaba umhlaba.